Kari Stai blir festivalforfattar på Falturiltu

Skrive av Svein Olav Langåker.

Foto: Benedikte Starvik

Forfattaren bak dei prisvinnande Jakob og Neikob-bøkene blir festivalforfattar på Falturiltu.

 

Kari Stai er forfattar og illustratør, mest kjend for bøkene om Jakob og Neikob.

Historiane om desse to blir karakterisert som moderne barnebok-klassikarar. Dei er omsette til ei lang rekke språk og er blitt både animasjonsfilm og teater. I fjor haust lanserte Stai boka Tankespinn som er ei vakker og innsiktsfull forteljing om vanskelege tankar i eit lite hovud.

Nasjonal festival for nynorsk barne- og ungdomslitteratur

Falturiltu er blitt ein nasjonal festival for nynorsk barne- og ungdomslitteratur, og for å markera dette har ein valt å sleppa årets festivalforfattar i samarbeid med Litteraturhuset i Trondheim, 21. mars.

Same veka lanserer Falturiltu årets tema under Vossa Jazz. 24. mars vil Vegard Markhus lesa og fortelja på biblioteket. Markhus fekk Nynorsk barnebokpris for bildeboka Timothy mister seg sjølv. Tema i 2018 blir bildebøker, og mottoet blir Ord + bilde = sant.

Stiftinga Pirion v/Svein Olav Langåker, Midthaugen 5, 5411 Stord. Telefon 94 87 53 65. Epost Denne e-postadressa er beskytta mot program som samlar e-postadresser. Du må aktivere javaskript for å kunne sjå den. Org.nr 983 173 276.  MELD DEG PÅ NYHENDEBREV HER!

Pirion får støtte av Fagforbundet og KLP gjennom Landssamanslutninga av nynorskkommunar. Utdanningsdirektoratet støttar òg Pirion.