Tunkatten Lurivar har opna eit utandørs barnebibliotek på Høgetua, rett ovanfor Ivar Aasen-tunet i Ørsta. Barnebiblioteket Barneboktua vart opna 15. juni og skal vera ope heile sommaren både dag og kveld.

Olaug Bjørndal nyttar historier frå eigen oppvekst på gard når ho fortel i barnehagen. Nå har forteljingane blitt til bok.

I Holdhus barnehage i Fusa kommune er borna godt vande med å få høyra sjølvopplevde historier frå då Olaug var liten.
– Eg har eit stort repertoar med forteljingar, seier ho. Desse har ho nytta i dei rundt tretti åra ho har jobba i barnehagen.
Og forteljingane frå ”gamledagar” er populære. Olaug Bjørndal får dagleg spørsmålet om ho ikkje kan fortelja frå då ho var lita.
– Borna kjenner forteljingane ut og inn og vil høyra dei om att og om att, fortel ho. Forteljingane blir levande for dei, og dei lever seg inn i dei.

Vinje kulturskule har samla songar, leikar og eventyr ifrå Somalia.

Lesesenteret i Stavanger driv også med leseopplæring og leseutvikling. Universitetslektor Trude Hoel trur det er viktig at ungane sjølve får vera med på å velja kva bøker som skal stå i lesekroken. Det verste er at dei vaksne blir monotone og keisame formidlarar, meiner ho.